Aled Jones: Full Circle

Paratowch i glywed Aled Jones mewn ffordd gwbl newydd. Ef oedd y bachgen a swynodd y byd gyda'i lais angylaidd. Gan werthu dros saith miliwn o albymau, Aled oedd y seren glasurol boblogaidd wreiddiol.Mae pawb yn ei adnabod ar ôl ei recordiad o ‘Walking in the Air’, o'r ffilm animeiddiedig The Snowman, ac mae wedi dod yn rhan annatod o ddathliadau'r genedl.

Yr un mor gartrefol ar y llwyfan clasurol, neu'n serennu mewn cynyrchiadau theatr gerddorol yn West End Llundain, mae wedi chwarae prif rolau yn Joseph and The Amazing Technicolour Dreamcoat, Chitty Chitty Bang Bang a White Christmas gan Irving Berlin.Fel canwr, mae galw mawr am Aled yn fyd-eang ac mae wedi perfformio yn lleoliadau mwyaf eiconig y byd, o Neuadd Frenhinol Albert Llundain i Dŷ Opera Sydney. Mae’n ffefryn gyda'r Teulu Brenhinol, a rhoddodd hyd yn oed berfformiad preifat i'r Brenin Siarl III ym Mhalas Kensington. Mae'n ddarlledwr teledu a chyflwynydd radio llwyddiannus sydd wedi cyfweld â channoedd o sêr dros y blynyddoedd.

Mae'n arwain Songs of Praise y BBC a'i sioeau ei hun ar fore Sadwrn a Sul ar Classic FM. Nawr, ar ôl 40 mlynedd yn y busnes, mae'n edrych yn ôl ar yrfa ryfeddol gyda sioe un dyn, a fydd yn cynnwys cerddoriaeth sydd heb ei chlywed o'r blaen, straeon o'r degawdau ac am y tro cyntaf, ei stori wedi'i hadrodd yn ei eiriau ei hun.